Цел на проектот: Придонес кон транспарентен изборен процес, преку непартиско набљудување на сите сегменти на изборниот процес. 

Специфични цели на проектот:

• Да обезбеди учество на граѓаните во процесот на непартиско набљудување на изборите;
• Да осигура почитување на правото и законите при спроведување на гласањето на избирачките места;
• Да се подигне свеста кај граѓаните за нивните права и обврски за проверка на податоците во Избирачкиот список. 

Активностите во проектот Домашно набљудување на предвремените Парламентарните избори 2008 се поделени во неколку сегменти: 

• Собирање и процесирање на податоците за проверка на граѓаните во Избирачкиот список во подрачните единици на Министерството за правда (во периодот додека Единствениот избирачки список е на јавен увид);
• Регрутирање и обука на волонтери за домашни набљудувачи на изборите;
• Набљудување на предизборниот период и следење на почитувањето на Кодексот за слободни и фер избори;
• Набљудување на предвременото гласање на раселените лица, старите и изнемоштени лица, војниците, затворениците;
• Набљудување на денот на гласање (со обични набљудувачи, мобилни тимови, ПВТ набљудувачи, ротирачки набљудувачи и набљудувачи во ОИК и ДИК);
• Набљудување на постизборниот период;
• Анализирање на извештаите и информирање на јавноста.  

Проектот “Домашно набљудување на Предвремените парламентарни избори 2008“ е поддржан од Амбасадата на Обединетото Кралство на Велика Британија и Северна Ирска, Амбасадата на Кралството Холандија, Швајцарската агенција за развој и соработка, Амбасадата на Сојузна Република Германија,  Амбасадата на САД, ОБСЕ Набљудувачката мисија во Скопје и Амбасадата на Кралството Норвешка.